सफल शर्मा । देवघाट, असोज ७
पार्टीका सभापती रवि लामिछानेलाई सरकारले षड्यन्त्र पुर्वक फसाउन खोजेको भन्दै राष्ट्रिय स्वतन्त्र पार्टी आँबुखैरेनीले सोमबार शान्तिपूर्ण विरोध प्रर्दशन आयोजना गरेको छ ।
केहीदिन यता राष्ट्रिय स्वतन्त्र पार्टीका सभापति रबि लामिछाने बिरुद्ध सुनियोजित र षड्यन्त्रपुर्ण रुपमा सत्ताले फसाउने नियत र षड्यन्त्रकारी पक्राउ पुर्जीको जारी गरेको भन्दै त्यसको विरोधमा आँबुखैरेनी चोकमा प्ले कार्ड बोकेर सडक अबोरध नगरी रास्वपाका कार्यकर्ताहरुले प्रदर्शन गरेका थिए ।
राष्ट्रिय स्वतन्त्र पार्टी क्षेत्र नम्बर १ का क्षेत्रीय सचिव अनिल श्रेष्ठले सत्तारुढ पार्टीका आफ्नै सांसदहरु सहकारी प्रकरणमा मुछिने डरले जनताको ध्यान रबितिर मोडेको आरोप लगाए । उनले पार्टी उदाएको मात्र २ वर्ष मात्र भयो पार्टीले जनताको मन जितेको कारण पुराना दल मिली रास्वपालाई कसरी हुन्छ सक्ने उपाए खोजिरहेको तर त्यो चाहाना पुरा हुन नदिने बताए । श्रेष्ठले देशको अराजकता अव सहेर बस्न नसक्ने र आवश्यकता अनुसार जस्तोसुकै आन्दोलन गर्न तयार भएको बताए ।
