दमौली, असोज २२

भानु नपा–१ बोटेगाउँकी ३६ बर्षीया पुर्णमाया बोटेको हत्या गरि भागेका मृतकका पति ४० बर्षीय पन्चबहादुर बोटेलाई प्रहरीले गोरखा जिल्लाको पालुङटारबाट पक्राउ गरेको छ ।

पन्चबहादुरले सोमबार राती पत्निको डोरीले घाँटी कसेर भागेको आशंकामा प्रहरीले उनको खोजतलास गरेको थियो ।पन्चबहादुरले छिमेकी बुहारीलाई आफ्नो श्रीमतीको मृत्यु भयो भनि घरको चाबी फालेर भागेको प्रहरीले जनाएको छ ।

छिमेकीले प्रहरीलाई खबर गरि ढोका खोली हेर्दा पुर्णमायाको शव उत्तानो परेको अवस्थामा भेटिएको भन्सार प्रहरी चौकीले जनाएको छ । मृतकको घाँटीमा निलडाम रहेको र नजिकै डोरी भेटिएको प्रहरीले जनाएको छ ।

घटना पछि भागेका पन्चबहादुरलाई गोरखा जिल्ला पालुङटार नपा–७ बिरुवाटारबाट मंगलबार बिहान पालुङटार प्रहरीले पक्राउ गरि भन्सार प्रहरी चौकीको जिम्मा लगाएका थिए । शवको पोष्टमार्टमकोलागि मंगलबार बिहान दमौली अस्पताल पठाईएको प्रहरीले जनाएको छ ।