दमौली, असोज २९

नेपाल प्रहरीको प्रहरी विशेष सुरक्षा गण मध्ये तनहुँको शुक्लागन्डकीमा रहेको प्रहरी विशेष सुरक्षागण उत्कृष्ट भएको छ । प्रहरी प्रधान कार्यालयले २०८१ को कार्यदक्षता मुल्यांकनमा तनहुँको प्रहरी विशेष सुरक्षागणले उत्कृष्ट नमुना प्रर्दशन गरेको जनाएको छ ।

उत्कृष्ट गण भएवापत उक्त गणका गणपती एसपी केदार खनालले प्रहरी प्रधान कार्यालयबाट प्रसंशा पत्र प्राप्त गरेका छन् । एसपी खनाल हाल जिल्ला प्रहरी कार्यालय बर्दियाको प्रमुखको रुपमा कार्यरत छन् ।