दमौली, कार्तिक १०
नेकपा माओवादी केन्द्रका महासचिव देव गुरुङले आबुँखैरेनी–२ स्थित पर्यटकीय क्षेत्र ऐना पहराको अवलोकन गरेका छन् । महासचिव गुरुङले शनिबार ऐनापहरा क्षेत्रको पर्यटकीय स्थलको अवलोकन गरेका हुन् ।
महासचिव गुरुङले ऐनापहरा क्षेत्रको पर्यटकीय विकासकोलागि लाग्नुपर्ने बताए । पर्यटनलाई रोजगारसँग जोड्नुपर्ने महासचिव गुरुङले बताए ।
आबुँखैरेनी गाउँपालिकाका अध्यक्ष शुक्र चुमानले ऐनापहरालाई गन्डकी प्रदेशकै पर्यटकीय स्थलको रुपमा विकास गरिने बताए । ऐनापहरामा रहेका ढुङ्गालाई खोपेर कलात्मक आकारको विभिन्न आकृती बनाएको र त्यसले पर्यटनलाई आकर्षित गरेको अध्यक्ष चुमानले बताए ।
