दमौली, मंसिर ६

आबुँखैरेनीको प्रतिबद्धता, सुनौलो भविष्यको सुनिश्चितता भन्ने मुल नारा सहित आबुँखैरेनी गाउँपालिका अन्तर्गतको सामुदायिक तथा संस्थागत विद्यालयमा अध्ययनरत सम्पुर्ण विद्यार्थीहरुको बैंक खाता खोल्ने अभियान सुरु भएको छ ।

आँबुखैरेनी गाउँपालिकाको आ.व.२०८१÷०८२ को नीति तथा कार्यक्रम अनुसार आँबुखैरेनी गाउँपालिकाको आयोजना तथा कुमारी बैंकको समन्वयमा गाउँपालिका अन्तर्गतका सामुदायिक तथा संस्थागत विद्यालयमा अध्ययनरत सम्पूर्ण विद्यार्थीहरुको विद्यार्थी बचत खाता सञ्चालन कार्यक्रमको विहिबार रामशाह माविबाट शुभारम्भ गरियो ।

उक्त कार्यक्रमको उद्घाटन गर्दै आबुँखैरेनी गाउँपालिकाका अध्यक्ष शुक्र चुमानले विद्यार्थीहरुमा बचत गर्ने बानीको विकास गर्ने, विद्यार्थीको शिक्षा तथा स्वास्थ्यमा पहुँच सुनिश्चित गर्ने, विद्यार्थीको रुची तथा क्षमता अनुसारको उच्च शिक्षाको पहुँचमा सहयोग पु¥याउने तथा उद्धमशीलताको विकास गरी बालबालिकाको सुनौलो भविष्य सुनिश्चित गर्ने लगायतका उद्धेश्यले विद्यार्थीहरुको बचत खाता खोल्न लागिएको बताए ।

उक्त कार्यक्रम कुमारी बैंकसंग समन्वय गरी खाता खोल्ने तथा सामुदायिक विद्यालयमा अध्ययन गर्ने छात्रा विद्यार्थीको हकमा प्रति विद्यार्थी रु.एक हजार गाउँपालिकाले विद्यार्थीको खातामा बचत गरिदिने र बचत गरे बापत कुमारी बैंकले रु.बीस हजार बराबरको स्वास्थ्य बीमा लगायतका अन्य सुविधाहरु समेत रहेको छ गाउँपालिकाकी शिक्षा अधिकृत निर्मला कुँवरले जानकारी दिइन् ।