दमौली, मंसिर १०
दमौलीका युवा अभियन्ता मोहम्मद गफ्फारले बन्दिपुर गाउँपालिका–१ स्थित भंगेरी आधारभुत विद्यालयका विद्यार्थीहरुलाई न्यानो कपडा स्वेटर वितरण गरेका छन् ।
गफ्फारले सोमबार विद्यालयमा अध्ययन गर्ने २५ जना विपन्न विद्यार्र्थीलाई स्वेटर र मोजा वितरण गरेका हुन् । गफ्फारको सहयोगपछि चिसोको कारण विद्यालय आउन नसक्ने विद्यार्थीहरुलाई राहत मिल्ने विद्यालयका प्रअ टिकाराम गिरीले बताए ।
तिहारमा देउसी भैलो खेलेर संकलित रकमबाट गफ्फारले जिल्लाका २ सय विपन्न विद्यार्थीलाई न्यानो कपडा वितरण गर्ने भएका छन् । यस अघि उनले व्यास नपा–११ मुलपानी स्थित चन्डिका आधारभुत विद्यालयका २४ जना विद्यार्थीलाई न्यानो कपडा सहयोग गरेका थिए ।
