दमौली, मंसिर २३
तनहुँ प्रहरीले अदालतबाट जरिवाना स्वरुप तोकिएको पाँच सय रुपैयाँ नतिरिकन हालसम्म फरार रहेका व्यक्तिलाई पक्राउ गरेको छ । पक्राउ पर्नेमा कायम म्याग्दे गाउँपालिका वडा नम्बर–३ बस्ने बिष्णु बहादुर शाही रहेका छन् ।
सम्बन्द बिच्छेद मुद्धामा तनहुँ जिल्ला अदालतले फैसला स्वरुप शाहीलाई पाँच सय रुपैयाँ जरिवाना तोकेको थियो । शाही उक्त जरिवाना नतिरिकन फरार रहेका थिए । उनलाई आफ्नै घर ठेगानामा लुकिछिपी बसेको अवस्थामा आइतबार पक्राउ गरिएको जिल्ला प्रहरी कार्यालय तनहुँका डिएसपी अशोक थापाले बताए ।
उनलाई सजाय भुक्तानीकोलागि जिल्ला अदालतमा पेश गरिएको प्रहरीले जनाएको छ ।
