दमौली, पुस ६
पुर्वमन्त्री तथा बारा क्षेत्र नम्बर ४ का प्रतिनिधि सभा सदस्य माननिय कृष्ण कुमार श्रेष्ठ (किसान) ले नेपाल पत्रकार महासंघ बारामा रहने गरि एक लाख रुपैयाँको अक्षयकोष स्थापना गर्ने घोषणा गरेका छन् ।
सांसद श्रेष्ठले शुक्रबार अक्षयकोषकोलागि उक्त रकम उपलब्ध गराउने घोषणा गरे । आफ्ना स्वर्गिय वुवा केवलबहादुर श्रेष्ठको स्मृतिमा सांसद श्रेष्ठ अक्षयकोष स्थापना गर्ने घोषणा गरेका हुन् ।
नेपाल पत्रकार महासंघ बाराका नवनिर्वाचित अध्यक्ष लगायतका पदाधिकारी र सदस्यहरुलाई सम्मानको लागि आफ्नै निवासमा आयोजित कार्यक्रममा सांसद श्रेष्ठले पत्रकार महासंघ बारामा रहने आफ्नो वुवाको स्मृतीमा पत्रकारिता पुरस्कारको अक्षयकोष स्थापना गर्ने गर्ने घोषणा गरेका हुन् ।
सांसद श्रेष्ठले यस अघि नेपाल पत्रकार महासंघ तनहुँमा रहने गरि आफ्ना वुवाको स्मृतिमा पत्रकारिता पुरस्कारको अक्षयकोष स्थापना गरिसकेका छन् ।
