दमौली, पुस १३
म्याग्दे गाउँपालिकामा नयाँ गाडी खरिद गर्ने निर्णय रद्ध भएको छ । गाउँ कार्यपालिकाको बहुमतले पदाधिकारी चढ्नकोलागि नयाँ गाडी खरिद गर्ने निर्णय गरेको थियो । गाउँपालिकाले नयाँ गाडी खरिद प्रक्रिया सुरु गर्दै टेन्डरको सुचना समेत प्रकाशित गरिसकेको थियो ।
गाडी खरिद प्रक्रिया सुरु भईसकेपछि स्थानीय नागरिक समाजको असन्तुष्टि सार्वजानिक भएसँगै गाउँपालिकाका अध्यक्ष श्रीप्रसाद श्रेष्ठले उक्त गाडी खरिद प्रक्रिया रोकेका छन् ।
अहिले भएकै गाडीलाई मर्मत सम्भार गरि प्रयोग गर्ने र गाडी खरिद गर्ने रकमले विकास निर्माण र सुशासनको क्षेत्रमा काम गर्ने गरि गाडी खरिद प्रक्रिया हाललाई रोकिएको अध्यक्ष श्रेष्ठले बताए ।
केही दिन अघि भएको गाउँ सभाको बैठकमा अध्यक्ष श्रेष्ठको प्रस्ताव अनुसार गाडी खरिद प्रक्रिया रद्ध गरिएको हो ।
