विष्णु मगर । देवघाट, माघ १४
देवघाटका किशोरीहरुलाई आत्मरक्षा सम्बन्धि दुई दिने तालिम सुरु भएको छ । सामाजिक विकास कार्यालय तनहुँले वडा नम्बर ५ स्थित बज्रायोगिनी माविमा अध्ययनरत किशोरीहरुलाई आत्मरक्षा सम्बन्धि तालिम दिईएको हो ।
सो कार्यक्रमको उद्घाटन गर्दै देवघाट गाउँपालिकाका अध्यक्ष तिलबहादुर थापाले यस्ता प्रशिक्षण कार्यक्रमहरु देवघाट गाउँपालिकामा मात्र नभइ हरेक क्षेत्रमा आवश्यक रहेको बताए । पछिल्लो समयमा किशोरीहरु माथि धेरै दुर्ववहार र शोषणहरु भइरहेको हुदा यस्ता कार्यक्रमहरु दिई किशोरीहरुलाइ जनचेतना तथा आत्मवल दिन आवस्यक रहेको अध्यक्ष थापाले बताए । यस्ता घटनाहरु अकल्पनीय घटना रहेको हुदा जति खेर पनि घट्न सकिन्छ त्यस्को न्यूनीकरण भनेको नै प्रशिक्षण कार्यक्रम दिनु पनि एक रहेको थापाले बताए ।
सामाजिक विकास कार्यालय तनहुँका अध्यक्ष बिदुरहरि आचार्यले पछिल्लो समयमा किशोरीहरुमाथि दुव्र्यवहारको घटना बढ्न थालेको हुँदा किशोरीहरुले स्वयं आत्मरक्षा गर्न सकुन् भन्ने उद्देश्यले तालिम दिईएको बताए ।
दुई दिनसम्म चल्ने उक्त तालिममा उक्त विद्यालयमा अध्ययनरत ८० जना छात्राहरु सहभागी छन् । तालिमका सहभागीहरुलाई इलाका प्रहरी कार्यालय तनहुँका प्रहरीहरुले तालिम दिएका छन् ।
उक्त कार्यक्रममा गाउँपालिकाका शिक्षा शाखा प्रमुख होमनाथ लामिछाने, बज्रयोगिनी माविका प्रअ केशव काफ्ले लगायत सहभागी थिए ।
