देवघाट । चैत २८
देवघाट गाउँपालिकाका प्रमुख प्रशासकीय अधिकृत दिनेश सारु मगरको बिदाई गरिएको छ । पाल्पाको तिनाउ गाउँपालिकामा सरुवा भएको सारुको विहिबार देवघाट गाउँपालिकाले बिदाई गरेको हो ।
संघीय मामिला तथा सामान्य प्रशासन मन्त्रालयले सारुको हालै तिनाउ गाउँपालिकामा सरुवा गरेको थियो । सारु गत असोज पहिलो साता देवघाट गाउँपालिकामा सरुवा भएर आएका थिए ।
उक्त बिदाइ कार्यक्रममा गाउँपालिका अध्यक्ष तिलबहादुर थापा, उपाध्यक्ष भुवन सिं गुरुङ, पाँच वटै वडाका अध्यक्षहरु, नेकपा एमाले देवघाट गाउँ कमिटिका अध्यक्ष भिमबहादुर गुरुङ, कार्यपालिका सदस्यहरु, विभिन्न शाखा प्रमुख तथा कर्मचारीहरु लगायतले प्रमुख प्रशासकीय अधिकृत सारुको बिदाई गरेका थिए । सारुको सरुवा भएपनि देवघाटमा अर्काे प्रमुख प्रशासकीय अधिकृत भने आएका छैनन् ।
