देवघाट । चैत २८
देवघाट गाउँपालिका वडा नम्बर २ मा प्रथम देवघाट–२ तरुणदल कप खुल्ला भलिवल प्रतियोगिता सुरु भएको छ । नेपाल तरुण दल देवघाट–२ को आयोजनामा भएको उक्त प्रतियोगिताको नेपाली काँग्रेसका जिल्ला कार्य समितिका सदस्य अर्जुन अधिकारीले उद्घाटन गरे ।
नव वर्ष २०८२ को अवसरमा आयोजित उक्त कार्यक्रमको उद्घाटन कार्यक्रमलाई सम्बोधन गर्दै प्रमुख अतिथी अधिकारीले तरुणहरु खेलकुँद सहित अन्य रचनात्मक काममा लाग्नु पर्ने बताए । उनले तरुण दलले गर्ने कार्यक्रममा आफ्नो निरन्तर सहयोग रहने बताए ।
त्रुण दल देवघाट वडा नम्बर २ का सभापति एवं खेल संयोजक बिष्णु मल्लको अध्यक्षतामा भएको उक्त कार्यक्रममा देवघाट गाउँपालिका वडा नम्बर २ का अध्यक्ष मिन बहादुर राना, वडा नम्बर ३ का अध्यक्ष टेक बहादुर आले, देवघाट खेलकुँद विकास समितिका अध्यक्ष अमर फेवाली, देवघाट गाउँ कार्यपालिकाका सदस्य बालकुमारी परियार र हुमीमाया खाँण, वडा सदस्य युबराज मगर, नेपाल तरुण दलका जिल्ला सदस्य रबिन्द्र गुरुङ्ग, नेविसंघ जिल्ला सदस्य लोकेश सिन्जाली लगायतले शुभकामना मन्तव्य राखेका थिए । उक्त कार्यक्रमको सन्चालन दिल बहादुर बाचेले गरेका थिए ।
चैत ३१ गतेसम्म सचलन हुने उक्त प्रतियोगितामा प्रथम, द्वित्तिय र तृतिय हुने टिमलाई क्रमशः १ लाख १ हजार १११, ५१ हजार १५१ र २६ हजार १५१ रुपैयाँ नगद पुरस्कार सहित ट्रफी, मेडल र प्रमाणपत्र प्रदान गरिनेछ । त्यस्तै सर्वाेत्कृष्ट खेलाडी, स्पाईकर ब्कलर र लिब्रोलाई जनही ३ हजार रुपैयाँ पुरस्कार प्रदान गरिने खेल संयोजक विष्णु मल्लले बताए ।
