अन्जान परियार । घिरिङ, बैशाख ३०
घिरिङ गाउँपालिका–४ नयाँटारमा बुद्व जयन्ती तथा चण्डी पूर्णिमा मेला सम्पन्न भएको छ । नयाँटार युवा क्लबको आयोजनामा वैशाख २५ देखि २९ गते सम्म सन्चालन भएको सो मेलामा शुद्व साविक वडा स्तरीय पुरुष भलिबल प्रियोगिता तथा साँस्कृतिक प्रस्तुती सहितको कार्यक्रम आयोजना गरिएको थियो ।
उक्त भलिबल प्रतियोगितामा राम्जाकोट युवा क्लब प्रथम, सिउन युवा क्लब द्वित्तीय तथा आयोजक तृतिय भएका छन् । यस्तै बेस्ट स्पाइकर अमृत गेलाङ र वेस्ट सेटर मिलन गाहा मगरले पाए । सो मेलाको सोमबार समापन कार्यक्रममा प्रथम, द्वितीय र तृतीय विजेतालाई क्रमश ३३ हजार, २३ हजार र १३ हजार नगद सहित मेडल र प्रमाणपत्र प्रदान गरिएको थियो ।
विजेता टीमलाई घिरिङ गाउँपालिका अध्यक्ष होम बहादुर थापाले पुरस्कार वितरण गरेका थिए । यस्तै कार्यक्रममा वडा नम्बर ४ का अध्यक्ष भीम बहादुर कुमाल, कार्यपालिका सदस्य रिमा कुमाल, नेकपा एमाले घिरिङ गाउँ कमिटी अध्यक्ष सुमन कुमार श्रेष्ठ लगायतले मन्तव्य राखेका थिए ।
उक्त अवसरमा कार्यक्रम सफल बनाउन सहयोग गर्ने सहयोगी दाताहरु लाई पनि सम्मान गरिएको थियो ।
