तनहुँ । जेठ ११
तनहुँको मादी नदीको पुलबाट बलेरो नदीमा खस्दा ३ जनाको मृत्यु भएको छ । दमौलीबाट पोखरा तर्फ जादै गरेको ग २ च ५७६० नम्बरको बलेरो गाडी राती ११.३० बजे ब्यास नपा–५ स्थित मादीको पुलदेखी नदिमा खस्न गई दुर्घटना हुँदा उनीहरुको मृत्यु भएको हो ।
मृत्यु हुनेमा व्यास नपा–५ बेतेनी बस्ने बर्ष २८ का प्रविन आले, सोही वडाको मानुङसोहरा बस्ने बर्ष २२ का कुसल थापा मगर र सोही ठाउँका २२ बर्षीय कुमार थापा मगर रहेका छन् । उनीहरुको उपचारको क्रममा मृत्यु भएको प्रहरीले जनाएको छ ।
उक्त घटनामा जिप चालक ब्यास नपा ४ बस्ने बर्ष २४ का सनि बानीयाँ, जिपमा सवार जिल्ला पर्सा प्रनानिपुर–३ बस्ने बर्ष २० को धिरज रोनीयार घाइते भएका छन् । रोनियारको अवस्था गम्भिर रहेको छ । उनको घाँटी, छातीमा भित्री चोट, दायाँ खुट्टामा काटिएको प्रहरीले जनाएको छ । उनको मणिपाल अस्पताल पोखरा उपचार भईरहेको रहेको छ ।
