तनहुँ । साउन १४
जिल्ला प्रशासन कार्यालयले आर्थिक वर्ष २०८१/०८२ मा ७ करोड ७६ लाख १० हजार ९६२ रुपैयाँ राजश्व संकलन गरेको छ । प्रशासनले सबैभन्दा धेरै राहदानी दस्तुर वापत ७ करोड ३९ लाख ५ हजार रुपैयाँ संकलन गरेको छ ।
त्यसैगरि संघ संस्था दर्ता तथा नविकरण वापत १३ लाख ७५ हजार ६५० रुपैयाँ, न्यायिक दण्ड जरिवाना वापत १२ लाख ३१ हजार ४०७, हातहतियार नामसारी र नविकरण वापत ८ लाख ३९ हजार ३७५ र सरकारी सम्पत्ती वहाल वापत ७१ लख ३५ हजार ९३० रुपैयाँ संकलन गरेको छ ।
त्यसैगरि प्रशासनीक दण्ड जरिवाना र जफत वापत ५५ हजार, बेरुजु दाखिला वापत ३२ हजार, अन्य प्रशासनीक शुल्क १९ हजार ५ सय र परिक्षा शुल्क वापत १७ हजार १ सय रुपैयाँ राजश्व संकलन गरेको छ । जिल्ला प्रशासन कार्यालय राजश्व संकलन गर्ने कार्यालय नभएपनि सेवा सम्पादनको क्रममा उक्त राजश्व संकलन भएको प्रमुख जिल्ला अधिकारी रामकृष्ण अधिकारीले बताए । प्रजिअ अधिकारीका अनुसार जिल्ला प्रशासन कार्यालय शुन्य बेरुजु भएको कार्यालय रहेको छ ।
त्यस्तै बजार अनुगमनको क्रममा ५५ हजार जरिवाना गरिएको छ भने बजार अनुगमनको क्रममा १ लाख ८ हजार ३० रुपैयाँ बराबरको म्याद सकिएको सामाग्री नष्ट गरिएको छ ।
प्रशासन कार्यालयले गत आर्थिक वर्षमा १३ जना विपद पीडितलाई १३ लाख ८० हजार रुपैयाँ वितरण गरेको छ । जसमा संघबाट प्राप्त राहत रकम १२ लाख ३० हजार र प्रदेश सरकारबाट प्राप्त १ लाख ५० हजार रुपैयाँ पीडितहरुलाई वितरण गरेको छ । त्यसैगरि ११ जना बैदेशिक रोजगार सम्बन्धि पीडितलाई २ करोड २६ लाख २८ हजार ७७३ रुपैयाँ उपलब्ध गराएको छ ।
