तनहुँ । भदौ १४
शुक्लागन्डकी नगरपालिकाको विभिन्न स्थानमा छायांकन गरिने नेपाली चलचित्र मालती मंगलेको शनिबार शुक्लागन्डकी नगरपालिका–९ स्थित ढोरबाराही मन्दिरमा शुभसाईत गरियो ।
उक्त अवसरमा शुक्लागन्डकी नगर उद्योग वाणिज्य संघ उक्त चलचित्र प्रति प्रतिबद्धता कार्यक्रम समेत गरेको थियो ।
लोकप्रिय गायक रामकृष्ण ढकालले निर्माण गर्न लागेको उक्त चलचित्रमा लोकप्रिय अभिनेता बिजय बराल, नायिका बर्षा राउत लगायतका कलाकारहरुको अभिनय रहनेछ । चलचित्रको कार्यकारी निर्माता सागर ज्ञवाली र निर्देशक प्रकु पाण्डेय रहेका छन् ।
उक्त कार्यक्रममा चलचित्रका निर्माता रामकृष्ण ढकाल, अभिनेता बिजय बराल, शुक्लागन्डकी नगरपालिकाका उपप्रमुख खुमबहादुर विक, शुक्लागन्डकी नगर उद्योग वाणिज्य संघका अध्यक्ष समुन्द्रराम श्रेष्ठ लगायतले मन्तव्य राखेका थिए ।
