तनहुँ । कार्तिक १२
राष्ट्रिय प्राकृतिक स्रोत तथा वित्त आयोगको सहजीकरणमा ‘वित्तीय संघीयता तथा स्थानीय योजना सम्बन्धी अन्तरक्रिया कार्यक्रम’ बुधबार म्याग्दे गाउँपालिकामा सम्पन्न भयो ।
म्याग्दे गाउँपालिकाको आयोजनामा भएको उक्त कार्यक्रममा प्रमुख वक्ता तथा आयोगका अध्यक्ष जुद्ध बहादुर गुरुङले स्थानीय तहमा स्रोत वितरण र वित्तीय पारदर्शिताका सिद्धान्त, संघीय प्रणालीमा राजस्व बाँडफाँटको प्रक्रिया र त्यसका मापनका सूचकाङ्कबारे जानकारी दि एका थिए ।
उनले सूचकहरूबारे सचेत नगरपालिकाहरूले अझ बढी वित्तीय स्रोत हासिल गर्न सक्ने सम्भावना रहेको विषयमा प्रकाश पारे । सो अवसरमा स्थानीय तहमा वित्तीय संघीयताको प्रभावकारी कार्यान्वयन, स्रोत व्यवस्थापनमा पारदर्शिता तथा आगामी वर्षका योजनामा वित्तीय सूचकहरूको प्रयोगको बारेमा जानकारी प्रदान गरिएको थियो । म्याग्दे गाउँपालिकाका उपाध्यक्ष बालकृष्ण घिमिरेको अध्यक्षतामा उक्त कार्यक्रम सम्पन्न भएको थियो ।
यसअघि भिमाद नगरपालिकाको आयोजनामा मंगलबार उक्त कार्यक्रम भिमाद नगरपालिकामा समपन्न भएको थियो । पूर्वमन्त्री किरण गुरुङको प्रमुख आतिथ्यता रहेको उक्त कार्यक्रम नगर प्रमुख दधिराज सुवेदीको अध्यक्षतामा सम्पन्न भएको थियो ।
