देवघाट अनलाईन
मंसिर २३ चितवन ।
संस्थागत विद्यालय संघ चितवनको आयोजनामा यही मंसिर २५ र २६ गते अन्तर विद्यालय आइएसओ रनिङ्गशिल्ड हुने भएको छ ।
भरतपुर-१८ गुञ्जनगरमा हुने रनिङ्गशिल्डमा राष्ट्रिय खेलकुद परिषद्का पूर्व मुख्य प्रशिक्षक कान्ति महतो लगायत एथलेटिक्सका अनुभवी प्रशिक्षकहरुको उपस्थितिमा एथलेटिक्स अन्तर्गत लङ्गजम्प, सटपुट, जाभ्लिन थ्रो, टग अफ वार, दौड (१०० मि. २०० मि. ४०० मि. ८०० मि. १५०० मि. ३००० मि.) र रिले(४x१००मि., ४x४००मि) हुने र रनिङ्गशिल्डमा चितवनका १३ संस्थागत विद्यालयहरु बिच प्रतिस्पर्धा हुने छ ।
रनिङ्गशिल्डले संस्थागत विद्यालयहरुका बिच मित्रताको अवसर प्रदान गरी विभिन्न प्रतियोगिताको लागि योग्य खेलाडी उत्पादन गर्ने लक्ष्य रहेको र सहभागि हुने विद्यालयहरुको नामावली प्राप्त भईसकेको आयोजकको भनाई छ ।
रनिङ्गशिल्डको मिडिया पार्टनर देवघाट अनलाईन डटकम र रेडियो साईनो, हेल्थ पार्टनर शारदा पोलिक्लिनिक, प्रिन्टिङ पार्टनर मिरर फोटो रहेका छन् ।
