तनहुँ । माघ १४
राष्ट्रिय स्वतन्त्र पार्टी तनहुँ क्षेत्र नम्बर १ का उम्मेदवार डा.स्वर्णिम वाग्लेले व्यास नपा १२, १३ र १४ को संगममा पर्ने छाब्दीमा चुनावी अभियान अन्तगर्त घरदैलो गरेका छन् । बुधबार छाब्दी बाराही मन्दिरको दर्शनको लागि गएका वाग्लेले स्थानीय बासिन्दाहरुको घर–घरमा पुगी प्रतिनिधि सभाको निर्वाचनमा आफुलाई मतदान गर्न अनुरोध गरेका छन् ।
आफु निर्वाचित भएमा तनहुँको विकासको लागि काम गर्ने भन्दै वाग्लेले छाब्दी बाराही क्षेत्रलाई धार्मिक पर्यटनको हिसाबले माथी उठाउने गरि काम गर्ने बताए । उक्त घरदैलोमा रास्वपाका जिल्ला संयोजक विश्व बास्तोला सहित जिल्ला स्तरीय नेताहरु पनि सहभागी थिए ।
