तनहुँ । माघ २१
तनहुँको दुबै निर्वाचन क्षेत्रको नमुना मतपत्र सार्वजानिक भएको छ । निर्वाचन आयोगले बुधबार तनहुँको दुई वटै निर्वाचन क्षेत्रको वास्तविक नुमना मतपत्र सार्वजानिक गरेको हो ।
सार्वजानिक भएको नमुना मतपत्र अनुसार क्षेत्र नम्बर १ मा १६ वटा चुनाव चिन्ह रहेको छ । जसमा पहिलो नम्बरमा नेकपा एमालेको चुनाव चिन्ह सुर्य रहेको छ । त्यसपछि क्रमशः नेपाली काँग्रेसको रुख, नेपाली कम्युनिष्ट पार्टीको तारा, राष्ट्रिय स्वतन्त्र पार्टीको घन्टी रहेको छ ।
त्यसैगरि क्रमशः राप्रपाको हलो, नेपाल मजदुर किसान पार्टीको मादल, मंगोल नेशनल अर्गनाईजेशनको कुखुराको भाले, नेपाल जनमुक्ती पार्टीको घर, नेशनल रिपब्लिक नेपालको उडिरहेको मौरी, श्रम संस्कृति पार्टीको अन्जुलीमा राखेको माटो, नेकपा माओवादीको गुलाव, उज्यालो नेपाल पार्टीको बलिरहेको बिजुलीको चिम, आम जनता पार्टीको मोवाईल रहेको छ । त्यसैगरि स्वतन्त्र उम्मेदवारहरु क्रमशः दिपकराज जोशीको कैंची, लेखनाथ खनालको आँप र सन्देश रानाभाट लौडारीको मानापाथी चुनाव चिन्ह रहेको छ ।
त्यसैगरि क्षेत्र नम्बर २ को वास्तविक नमुना मतपत्रमा ११ वटा चुनाव चिन्ह रहेको छ । जसमा पहिलो नम्बरमा नेकपा एमालेको चुनाव चिन्ह सुर्य रहेको छ । त्यसपछि क्रमशः नेपाली काँग्रेसको रुख, नेपाली कम्युनिष्ट पार्टीको तारा, राष्ट्रिय स्वतन्त्र पार्टीको घन्टी रहेको छ ।
त्यसैगरि राप्रपाको हलो, नेपाल मजदुर किसान पार्टीको मादल, मंगोल नेशनल अर्गनाईजेशनको कुखुराको भाले, नेपाल जनमुक्ती पार्टीको घर, नेशनल रिपब्लिक नेपालको उडिरहेको मौरी, नेकपा माओवादीको गुलाब र राष्ट्रिय जनमुक्ती पार्टीको मिलाईरहेको हात चुनाव चिन्ह रहेको छ ।
