तनहुँ । फागुन १
देवघाट बोटे समाज संरक्षण संस्थाको आयोजनामा शनिबार देवघाटमा डुङ्गा दौड प्रतियोगिता हुने भएको छ । समाजले देवघाट स्थित कालीगन्डकी र त्रिशुली नदीको वेणी संगममा शनिबार दिउँसो र्याफ्टिङ बोट र काठको डुङ्गा दौडको छुट्टाछुट्टै प्रतियोगिता गर्न लागेको हो ।
बोटे समाजको संरक्षण गर्ने, डुङ्गा व्यवसाय प्रति जनविश्वास सिर्जना गर्ने तथा पर्यटकलाई आकर्षित गर्ने उद्देश्यले उक्त प्रतियोगिता आयोजना गर्न लागिएको समाजले जनाएको छ ।
दिउँसो १२ बजे हुने उक्त प्रतियोगितामा र्याफ्टिङ बोट दौड तर्फ प्रथम हुनेलाई १० हजार र दोश्रो हुनेलाई ५ हजार रुपैयाँ तथा काठको डुङ्गा दौड तर्फ प्रथम हुनेलाई ५ हजार र दोश्रो हुनेलाई ३ हजार रुपैयाँ पुरस्कार प्रदान गरिनेछ ।
