तनहुँ । फागुन ४
तनहुँ क्षेत्र नम्बर १ मा स्वतन्त्र उम्मेदवारी दिएका दीपकराज जोशीको पक्षमा चुनावी माहोल निर्माण गर्न ५०१ सदस्यीय विशाल निर्वाचन परिचालन समिति गठन गरिएको छ । अभियानलाई व्यवस्थित र परिणाममुखी बनाउने रणनीति अन्तर्गत गठित यो समितिले क्षेत्रगत परिचालन र रणनीति निर्माणको कमान्ड सम्हालेको छ ।
संगठनलाई गाउँ र टोल तहसम्म पु¥याउन क्षेत्रका १५३ वटै मतदान केन्द्रमा प्रति केन्द्र ४ जनाका दरले कुल ६१२ जना थप प्रतिनिधिहरू परिचालन गरिएको छ ।
यी प्रतिनिधिहरूले घरदैलोमार्फत मतदातासँग प्रत्यक्ष संवाद गर्ने, चुनाव चिन्ह कैँची मा मतदान गर्ने तरिका सिकाउने र मतदाता शिक्षालाई प्रभावकारी बनाउने जिम्मेवारी पाएका छन् । मतदानको दिन मतदातालाई सहज रूपमा केन्द्रसम्म पुग्न सहयोग गर्ने र प्रत्येक मत सुरक्षित गर्ने उद्देश्यका साथ ‘परिवर्तनका लागि कैँची’ भन्ने सन्देश बोकेर अहिले अभियान घर–घरमा पुगेको छ ।
हाम्रो मुख्य उद्देश्य मतदातालाई सचेत र उत्साहित बनाउँदै प्रत्येक मत सुरक्षित गर्नु हो । व्यवस्थित संरचना र जनताको अभूतपूर्व विश्वासले यसपटक तनहुँ–१ मा परिवर्तन सुनिश्चित रहेको अभियानका एक सदस्यले बताए ।
