काठमाडौं । चैत १५
जिल्ला अदालत काठमाडौंले पक्राउ परेका पूर्वप्रधानमन्त्री केपी शर्मा ओलीको उपचारमा प्रभावकारी आवश्यक व्यवस्था गर्न भनेको छ ।
न्यायाधीश आनन्दप्रसाद श्रेष्ठको इजलासले पाँचदिन म्याद थपको अनुमति दिँदै उक्त आदेश दिएको हो । आदेशमा उल्लेख छ, ‘प्रतिवादी केपी शर्मा ओली अस्वस्थ भई उपचारार्थ अस्पतालमा रहेको भन्ने समेत देखिँदा निजको प्रभावकारी आवश्यक उपचारको व्यवस्था गर्न समेत यो आदेश गरिदिएको छ ।’
ओली पक्राउलगत्तै अस्पताल भर्ना भएका थिए । बिरामी भएको भन्दै अदालतमा ‘भर्चुअल’ रूपमा उपस्थियित जनाएका थिए । ओलीलाई शनिबार (चैत १४) भक्तपुर गुण्डुस्थित निवासबाट प्रहरीले पक्राउ गरेको थियो ।
