तनहुँ । बैशाख २
घिरिङ गाउँपालिका, नेपाल नेत्रहिन संघ लमजुङ, समावेशी विकासका लागि कार्य र भरतपुर आँखा अस्पताल चितवनको संयुक्त आयोजनामा घिरिङ गाउँपालिकाका पाँच वटै वडामा मोतियाबिन्दुको निशुल्क अप्रेसन सहित आँखा परिक्षण शिविर हुने भएको छ ।
उक्त शिविर बैशाख ८ गते वडा नम्बर ५ को कार्यालय धेनुङ देउरालीमा, बैशाख ९ गते वडा नम्बर ४ को फुला आधारभुत स्वास्थ्यसेवा केन्द्रमा, १० गते वडा नम्बर ४ गते गड्यौलीटार सामुदायिक स्वास्थ्य इकाईमा र बैशाख ११ गते वडा नम्बर १ को कृष्ण मावि पुट्टारमा हुनेछ ।
त्यसैगरि बैशाख १२ गते शनिबार वडा नम्बर १ कै दिपक मावि बैडीमा, १३ गते वडा नम्बर २ को गजरकोट स्वास्थ्य चौकीमा, १४ गते वडा नम्बर २ को राष्ट्रिय मावि घिरिङ देउरालीमा र बैशाख १५ र १६ गते वडा नम्बर ३ स्थित घिरिङ सुन्धारा स्वास्थ्य चौकीमा बिहान १० बजेबाट आँखा परिक्षण र मोतियाबिन्दुको सल्यक्रिया हुने गाउँपालिकाका स्वास्थ्य शाखा प्रमुख कृष्णप्रसाद रिमालले जानकारी दिए ।
उक्त आँखा परिक्षण शिविरमा सहभागी भई लाभ लिनुहुन गाउँपालिकाले सबै नागरिकमा अनुरोध गरेको छ ।
