तनहुँ । जेठ १३
राष्ट्रिय स्वतन्त्र पार्टी व्यास नगर समितिको सभापतीमा पुनः चुडामणी दाहाल नै दोहारिने पक्का भएको छ । यही शुक्रबार तनहुँ उद्योग वाणिज्य संघको सभाहलमा हुने व्यास नगर समितिको प्रथम अधिवेशनबाट सभापतीमा पनुः दाहाल नै दोहारिने निश्चित रहेको रास्वापका एक नेताले बताए ।
दाहालको पहिलो कार्यकालमा व्यासका सबै १४ वटै वडामा सक्रिय संगठन निर्माण भईसकेको, पार्टीको सबै अभियानहरु पनि प्रभावकारी रुपमा सम्पन्न भईरहेकोले पनि दाहाललाई पुनः एक पटक नगर सभापतीमा दोहो¥याउने मनस्थितीमा पार्टी नेतृत्व तथा कार्यकर्ताहरु रहेको बताईएको छ ।
स्वयं दाहालले पनि आफु नेतृत्वमा दोहोरिने सम्भावना रहेको बताए । आफ्नो चाहानाले भन्दा पनि सबै नेता र कार्यकर्ताहरुको भावना अनुसार आफु एक पटक नगर सभापतीमा दोहोरिने सम्भावना रहेको उनले बताए । सर्वसम्मत रुमपा नेतृत्व चयन गर्नको लागि सबै साथीहरु विच छलफल भने जारी रहेको उनले बताए ।
दाहाल रास्वपा तनहुँको संस्थापक मध्येका एक हुन् । उनी जिल्ला सभापती विश्व बास्तोलासँगै नेपाली काँग्रेसबाट बिद्रोह गरि रास्वपामा समाहित भएका थिए ।
