तनहुँ । असार १६
डिभिजन वन कार्यालय तनहुँले सयौं जिल्लावासीलाई निशुल्क विरुवा वितरण गरेको छ । कार्यालयले गते मंगलबार विभिन्न २८ प्रकारका विरुवाहरु कार्यालय परिसरबाट वितरण गरेको हो ।
कार्यालयको नर्सरीबाट आर्थिक वर्ष २०८२/०८३ मा उत्पादित ति विरुवाहरु जिल्लाबासीलाई निशुल्क रुपमा वितरण गरिएको डिभिजन वन कार्यालयका प्रमुख मनोज रानाभाटले बताए । विरुवा लिन बिहानै देखी सयौं जना डिभिजन वन कार्यालयमा लाम लागेका थिए ।
कार्यालयले यस वर्ष निमारो, राईखन्यु, वडहर, कटहर, च्युरी, कोईरालो, तेजपात, अशोका कल्की, निम, कपुर, शितलचिनी, अमला, बर्राे, हर्राे, बकाईनो, कुरिलो, धुपी, गोलमोहोर, बिरेन्द्रफुल, पारिजात, चाँप, खयर, बेल, पिपल, बर, राजबृक्ष र नारेश्वर जातका विरुवा वितरण गरेको कार्यालयका सुचना अधिकारी राजकुमार श्रेष्ठले जानकारी दिए ।
