नेपाल घरेलु तथा साना उद्योग महासंघको अध्यक्षमा सोभा

Devghat Online

शेयर गरौ

तनहुँ । असार २२

नेपाल घरेलु तथा साना उद्योग महासंघ (एफएनसीएसआई) केन्द्रीय अध्यक्षमा शोभा गुरुङ निर्वाचित भएकी छिन् । महासंघको हालै काठमाडौंमा सम्पन्न २६ औँ राष्ट्रिय महाधिवेशनबाट शोभा निर्विरोध रूपमा केन्द्रीय अध्यक्षमा निर्वाचित भएकी हुन् ।

तनहुँकी स्थायी बासिन्दा गुरुङ विगत तीन दशकदेखि गलैँचा उद्योगमा सक्रिय उद्यमी हुन् । उनले २०४८ सालदेखि आफ्ना बुवाले सञ्चालन गरेको गलैँचा उद्योगबाट व्यावसायिक यात्रा सुरु गरेकी थिइन् । २०५२ सालमा विवाहपछि उनले आफ्नै गलैँचा उद्योग स्थापना गर्दै उत्पादनलाई युरोप, अमेरिका लगायत विभिन्न अन्तर्राष्ट्रिय बजारमा निर्यात गर्न थालेकी हुन् । टोखा नगरपालिकामा रहेको उनको उद्योगमा हाल करिब २०० जना श्रमिक कार्यरत छन् । उनी सामाजिक क्षेत्रमा पनि उत्तिकै सक्रिय रहेकी छन् ।

शोभा २०६४ सालमा महासंघको महिला उद्यम समितिमार्फत संस्थागत नेतृत्वमा प्रवेश गरेकी थिइन् । २०७१ सालमा महिला उद्यम समितिको केन्द्रीय अध्यक्ष बनेपछि उनले महासंघमा लगातार दुई कार्यकाल केन्द्रीय उपाध्यक्षको जिम्मेवारी सम्हालेकी थिइन् ।

देशभरका करिब ७ लाखभन्दा बढी घरेलु तथा साना उद्योगी आबद्ध रहेको महासंघको नेतृत्वमा पुगेपछि शोभाले उद्योगीहरुको हितमा काम गर्ने बताइन् । उनले भनिन्, ‘उद्यमीलाई त्रसित बनाउने होइन, सहज वातावरण सिर्जना गर्नुपर्छ आफ्ना सम्पूर्ण सम्पत्ति धितो राखेर उद्योग सञ्चालन गरिरहेका व्यवसायीलाई धम्की दिने होइन, उनीहरूको जायज माग सम्बोधन गर्न सरकार तयार हुनुपर्छ ।’

प्रतिक्रिया दिनुहोस्

सम्बन्धित समाचारहरू

व्यासको बेनीकोटमा ‘उद्यमशीलतायुक्त सांस्कृतिक गाउँ’ परियोजना सुरु, डेढ करोड बजेट विनियोजन

तनहुँ । मंसिर २ गण्डकी प्रदेश सरकार र व्यास नगरपालिकाको संयुक्त साझेदारीमा व्यास नगरपालिका–१३ स्थित