तनहुँ । साउन १८
नेष्डो समृद्ध लघुवित्त वित्तीय संस्था लिमिटेड, शाखा कार्यालय दमौलीको आयोजनामा केन्द्रका सदस्यहरुलाई फलफूलका बिरुवा वितरण कार्यक्रम सोमबार सम्पन्न भएको छ ।
केन्द्र नम्बर ८८ कि केन्द्र प्रमुख रेशम कुमारी सुवेदीको अध्यक्षतामा सम्पन्न उक्त कार्यक्रममा दमौली क्लष्टर प्रमुख कृष्ण प्रसाद चापागाईँ विशिष्ट अतिथिका रूपमा थिए । कार्यक्रममा संस्थाका कर्मचारीहरूका साथै विभिन्न १३ वटा केन्द्रका ६४ जना सदस्यहरूको उपस्थिति रहेको थियो ।
कार्यक्रममा दिलमाया रानाबाट संस्थागत प्रतिज्ञा, दिनेश कुमार सुनामले स्वागत तथा शाखा प्रबन्धक मित्र बहादुर क्षेत्रीले कार्यक्रमको सन्चालन गरेका थिए । सो कार्यक्रमको सहजिकरण दमौली क्लष्टर प्रमुख कृष्ण प्रसाद चापागाईँले गरेका थिए ।
कार्यक्रममा सहभागी सदस्यहरूलाई वातावरणीय संरक्षण तथा आयआर्जनमा सहयोग पु¥याउने उद्देश्यले विभिन्न जातका फलफूलका बिरुवाहरू हस्तान्तरण गरिएको थियो । यसैबिच, संस्थाले कार्यक्रमको दोस्रो चरण अन्तर्गत साउन १९ गते व्यास नगरपालिका–९, गजौडेमा फलफुल वितरणको कार्यक्रम सञ्चालन गर्ने दमौली शाखा प्रबन्धक मित्र बहादुर क्षेत्रील जानकारी दिए ।
