चैत्र २५ – नेपाल विद्युत प्राधिकरणका प्रमुख कार्यकारी अधिकृत ९सीईओ० कुलमान घिसिङले नेपालमा फेरी पनि लोडसेडिङ गराउने खेल सुरु भएको दाबी गरेका छन् । सोमबार प्राधिकरण कार्यालयमा भएको पत्रकार सम्मेलनमा बोल्दै कुलमानले यस्तो दाबी गरेका हुन् । उनले केही मानिसहरु आफनो स्वार्थका लागि नेपाललाई फेरी अन्धकारतर्फ धकल्ने प्रयास गरिरहेको बताए । उनले आफुहरुको उज्यालो नेपाल अभियानमा केही पक्षले डिस्टर्व गरिरहेको बताए । उनले बिगतमा पनि देशलाई आफनो स्वार्थका लागि अध्यारोमा राखेका व्यक्तिले नै केही मिडिया र व्यक्तिहरु परिचालन गर्दे फेरी पनि लोडसेडिङ गराउने खेलमा लागेको दाबी गरे ।
उनले भने ‘विगतमा प्राधिकरण डुबाएका व्यक्तिले अनेक हतियार प्रयोग गरेर हामीलाई डिस्टर्ब गरिरहेका छन् । उज्यालो नेपाल उनीहरुलाई मन परेको छैन । रातदिन नभनी हामी देशलाई उज्यालो बनाइरहेका छौँ । देशलाई अँध्यारो बनाउन चाहनेले बेलैमै विचार गरुन् ।’ उनले आफुहरुको काम देशका जनताहरुले मुल्यांकन गरिरहेको र प्राधिकरण नाफामा जाँदा केही मानिसहरुलाई मन नपरेको बताए । उनले आफुमाथि ६० लाख घुस खाएको आरोप लगाउनेहरुलाई त्यसको पुष्टी गरेर देखाउन पनि चुनौती दिए । उनले भने “प्राधिकरण ध्वस्त बनाउने गिरोहलाई एमडीले टुलुटुलु हेरेर बस्दैन । यो चानचुने एमडी होइन” ।
