बाढी र पहिरोको क्षतीको निरिक्षण गर्ने
८ साउन, दमौली

प्रतिनिधि सभा तनहूँ क्षेत्र नम्बर १ का सांसद कृष्णकुमार श्रेष्ठ किसान र राष्ट्रिय सभाकी सांसद भगवती न्यौपाने आज गृह जिल्ला तनहूँ आउने भएका छन् । गत साता आएको बाढी र पहिरोले तनहूँमा व्यापक रुपमा क्षती भएपछि सो क्षतीको निरिक्षण र सरकारको तर्फबाट उपलब्ध हुने राहत प्याकेज सहित सांसदद्वय गृह जिल्ला आउन लागेका हुन् ।
एक साता जिल्ला बसाईको क्रममा सांसदद्वयले प्राकृतिक प्रकोप पीडित तनहूँ क्षेत्र नम्बर १ का जनतालाई संघीय सरकारको तर्फबाट उपलब्ध गराउने राहत हस्तान्तरण गर्ने र पीडित तथा अन्य सरोकारवालाहरुसँग भेट गर्ने कार्यक्रम रहेको छ । सो अवसरमा सांसदद्वयले बाढि र पहिरोले क्षती पु¥याएको सडक तथा सार्वजानिक संरचनाहरुको निरिक्षण गर्ने र सुरक्षा निकायका प्रमुखहरुसँग अन्तरक्रिया गर्ने कार्यक्रम रहेको छ ।
साथै कोभिड–१९ सम्बन्धि क्वारेन्टाइनको अनुगमन तथा आइशोलेसनको अवस्था तथा त्य सम्बन्धी सरोकारवालासँग पनि भेटघाट गर्नेे कार्यक्रम रहेको सांसद श्रेष्ठको सचिवालयले जनाएको छ ।