१५ असार, दमौली
जिल्ला प्रशासन कार्यालय तनर्हँले भारी वर्षा हुन सक्ने सम्भावना रहेकोले सतर्क रहन जिल्लावासीलाई आग्रह गरेको छ । जल तथा मौसम विज्ञान विभागका अनुसार असार १६ गतेदेखी १९ गतेसम्म वर्षा हुने सूचना प्राप्त भएको भन्दै बाढी, पहिरो लगायतका जोखिम देखिएकाले सजग रहन सर्वसाधारणहरुलाई आग्रह गरेको हो ।
सहायक प्रमुख जिल्ला अधिकारी चित्रांगत बरालले जारी गरेको सूचनामा बाढी पहिरो हुने क्षेत्रमा नजान, नदी किनारमा नजान तथा पौडी नखेल्न अनुरोध गरिएको छ । बाढी, पहिरो र डुबान हुने क्षेत्रमा नजाने प्रशासनले आग्रह गरेको छ । यस्तै नदी र खोलामा माछा मार्ने, पौडी खेल्न जने, दाउरा सङ्कलन गर्ने लगायतका कुनै पनि कार्य नगर्न उक्त सूचनामा भनिएको छ ।
प्रशासनले सेती, मादी बुल्दी लगायत अन्य खोलाको छेउछाउमा नजान र नदी खोला किनारामा रहने बासिन्दालाई विशेष सतर्कता अपनाउन अनुरोध गरेको छ । जिल्ला प्रशासन कार्यालय तनहुँले एक सूचना जारी गर्दै सतर्कता अपनाउन अनुरोध गरेको हो । कुनै आपतकालिन समस्या देखिएका खण्डमा जिल्ला आपतकालिन केन्द्रको ०६६५६११६१, प्रमुख जिल्ला अधिकारीको फोन नंस् ९८५६०६७७७७, सहायक प्रमुख जिल्ला अधिकारीको फोन नंः ९८५६००११११, प्रहरी उपरीक्षकको फोन नंः ९८५६०६५५५५ मा खबर गर्न प्रशासनले आग्रह गरेको छ ।
