देवघाट / चैत ४
देवघाट गाउँ पालिकाका अध्यक्ष तिलबहादुुर थापाले आफ्नो तलब भत्ता वापतको रकम सार्वजनिक पुस्तकालयलाई उपलब्ध गराएका छन् ।
अध्यक्ष थापाले शनिबार आफ्नो तलबको रकम ३५,६४० रुपैयाँ देवघाट गाउँ पालिका-५ मा रहेको देवघाट सामुदायिक पुस्तकालयका अध्यक्ष शिवराज पौडेललाई हस्तान्तरण गरे ।
पुस्तकालयको भवन जिर्ण भएपछि नयाँ भवन निर्माण गर्न लागिएको छ । गाउँ पालिका अध्यक्ष थापाले पुस्तकालयको भवन निर्माणमा सहयोग गर्न देवघाटबासीलाई अनुरोध गरे । सो अवसरमा पुस्तकालयका अध्यक्ष पौडेलले रकम हस्तान्तरण प्रति गाउँ पालिकाका अध्यक्ष थापालाई धन्यवाद दिदै अन्य व्यक्ति तथा संघ संस्थालाई पनि भवन निर्माणको लागि सहयोग गर्न अनुरोध गरेका छन्।
