छाब्दी बाराहीलाई देशकै प्रमुख धार्मिक गन्तव्य बनाउने खनालको प्रतिबद्धता

Devghat Online

शेयर गरौ

देवघाट अनलाइन
दमौली, बैशाख ७

तनहुँ क्षेत्र नम्बर १ का नेकपा एमालेका उम्मेदबार सर्वेन्द्र खनालले छाब्दी बाराही मन्दिरलाई नेपालकै प्रमुख धार्मिक गन्तव्यको रुपमा विकास गर्नु पर्ने र त्यसकोलागि आफ्नो तर्फबाट कुनै कसर बाँकी नराख्ने बताएका छन् । विहिबार व्यास नपा १२, १३ र १४ को संगममा रहेको छाब्दीका मतदाताहरुलाई भेट्ने क्रममा खनालले सो प्रतिबद्धता जनाएका हुन् ।

खनालले धार्मिक आस्थालाई जनताको खुसीसँग र धार्मिक स्थलहरुलाई मुलुकको समृद्धीसँग जोड्न सकिने भन्दै तनहुँ जिल्लालाई गर्व गर्ने जिल्लाको रुपमा विकास गर्ने बताए । नेकपा एमालेका केन्द्रिय सचिव योगेश भट्टराई सहितका नेता तथा कार्यकर्ताहरुसँग छाब्दी गएका खनालले छाब्दी बाराही क्षेत्रको बृहत्तर विकासमा योगदान गर्ने प्रतिबद्धता जनाएका थिए ।

छाब्दी बाराही मन्दिरको जिर्णाेद्वार तथा मन्दिरलाई कलात्मक रुपमा निर्माण गर्ने विषया आफुले पहल गर्ने खनालले प्रतिबद्धता जनाए । आफु गफमा भन्दा काममा बढि विश्वास गर्ने भएको हुँदा बोलेको कुरालाई जुनसुकै अवस्थामा पनि पुरा गरेरै छाड्ने बताए ।

राष्ट्रिय स्तरमा मात्र नभई अन्तर्राष्ट्रिय स्तरमा समेत तनहुँलाई गर्व गर्न सक्ने जिल्ला बनाउने उनको प्रतिबद्धता थियो । खनालले तनहुँको मात्रै हैन, देशकै छोरा बन्ने प्रयत्न गर्ने बताए । सोही कारण देश र जनताको सेवाको लागि आफु चुनावी मैदानमा आएको उनले बताए ।

प्रतिक्रिया दिनुहोस्

सम्बन्धित समाचारहरू

बोलवम मेलामा आएका भक्तजनलाई देवघाटधाम जेसीजद्वारा निःशुल्क पानी र मही वितरण

देवघाट, साउन ७ देवघाटधाममा सुरु भएको बोलवम मेलामा आएका भक्तजनलाई देवघाटधाम जेसीजले निशुल्क पानी तथा

नेपाल कम्युनिष्ट पार्टीका संस्थापक महासचिव पुष्पलालको ४६ औँ स्मृति दिवस मनाइँदै

काठमाडौं, साउन ७ नेपाल कम्युनिष्ट पार्टीका संस्थापक महासचिव पुष्पलालको ४६ औँ स्मृति दिवस आज विभिन्न

गुरु पुर्णिमाको अवसरमा महेश सन्यास आश्रमद्वारा गुरुनिर्वाण महोत्सव आयोजना

देवघाट, साउन ६ गुरुपुर्णिमाको अवसरमा देवघाटमा रहेको महेश सन्यास आश्रमले ब्रह्मलीन सन्तशिरोमणि श्री १००८ डा.

स्वास्थ्य क्षेत्रका समस्या समाधान गर्न नीतिगत र प्रणालीगत सुधारको खाँचोः मन्त्री पौडेल

दमौली, साउन ६ स्वास्थ्य तथा जनसख्ंया मन्त्री प्रदिप पौडेलले स्वास्थ्य क्षेत्रको समस्या समाधानकोलागि नीतिगत र