सेतोपाटी अनलाइनलाई कारवाही गर्न काँग्रेसका उम्मेदबार भट्टराईद्वारा उजुरी दर्ता

Devghat Online

शेयर गरौ

देवघाट अनलाइन
दमौली, बैशाख ८

मतदातादाई भ्रम पार्ने गरि जनमत सर्वेक्षण गरि सार्वजानिक गरेको भन्दै नेपाली कांग्रेसका तनहुँ क्षेत्र नम्बर १ का उम्मेदवार गोविन्द भट्टराईले सेतोपाटी अनलाइन विरुद्ध निर्वाचन आयोगमा उजुरी दिएका छन् । भट्टराईले बैशाख ८ गते उक्त अनलाइन विरुद्ध मुख्य निर्वाचन अधिकृतको कार्यालय मार्फत निर्वाचन आयोगमा उजुरी दिएका हुन् ।

सो अनलाइनले तनहुँ १ मा रास्वपाका उम्मेदवार स्वर्णिम वाग्लेको जित निश्चित भएको भन्दै समाचार सार्ववजानिक गरेको थियो । मतदातालाई प्रभावमा पार्ने गरी रास्वपाका उम्मेदवारको पक्षमा माहोल बनाउन समाचार प्रकाशित गरेको हुँदा उक्त अनलाईनलाई कारवाही गर्न निर्वाचन आयोगमा उजुरी दिएको भट्टराईले बताए । निर्वाचनको ४ दिन अगाडि नियोजित षड्यन्त्रका रुपमा समाचार प्रकाशन गरिएको भट्टराईले आरोप लगाए ।

‘मत सर्वेक्षण भनी समाचार प्रकाशन गरिएको हुँदा निर्वाचन आचारसंहिता ऐन २०७९ को दफा ३ (ण), ४ को (ज) (ट) (७) (ड) (त) दफा २५ बमोजिम कसुर गरेको हुँदा ऐ.को दफा ४५ बमोजिम उजुरी दिएको र सो उपर सो उपर दफा ४६ र दफा ४९ बमोजिम कारबाही गरी पाऊँ ।’ भट्टराईको उजुरीमा उल्लेख छ । सो अनलाइनले हालै ‘तनहुँ १ मा राम्रो मतान्तर सहित स्वर्णिम वाग्लेले जित्ने सम्भावना’ शिर्षकमा जनमत सर्वेक्षण भन्दै समाचार प्रकाशन गरेको थियो ।

यसअघि प्रेस काउन्सिल नेपालले उपनिर्वाचनमा निश्चित दल र उम्मेदवारको पक्षपोषण गरेको भन्दै सो अनलाइनलाई बैशाख ७ गते २४ घण्टे स्पष्टीकरण सोधिसकेको छ । आचारसंहित उल्लंघन गर्ने मिडियालाई कारबाही गर्ने काउन्सिलको चेतावनी छ ।

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर