देवघाट अनलाइन
दमौली, बैशाख ८
शुक्लागन्डकी नपा–७ का ३८ बर्षिय सुरेन्द्र विकको हत्या गरेको आरोपमा प्रहरीले स्याङ्जा जिल्ला हरिनास गाउँपालिका–४ स्थायी घर भई हाल शुक्लागण्डकी नपा–७ स्याउली बजारमा डेरा गरी बस्ने ५७ बर्षिय देवबहादुर चन्दलाई पक्राउ गरेको छ ।
विकको शव शुक्रबार विहान शुक्लागण्डकी नपा–७ स्याउली बजार स्थित खैरेनीटार–भिमाद सडकको नालीमा फेला परेको थियो । सो घटनाको बारेमा इलाका प्रहरी कार्यालय बेलचौतारा माार्फत सुचना प्राप्त हुनासाथ जिल्ला प्रहरी कार्यालयबाट खटिएको अनुसन्धान टोलीले घटनास्थलमा गई प्रारम्भिक अनुसन्धान गर्दा बिकको टाउकोमा कडा वस्तुले प्रहार गरेर हत्या गरी उक्त नालीमा फालेको आशंकामा चन्दलाई पक्राउ गरेको हो ।
उक्त घटनाको बारेमा थप अनुसन्धान सुरु गरिएको जिल्ला प्रहरी कार्यालयका डिएसी मोहनबहादुर खाँणले बताए ।
