दमौली, बैशाख ३०
जिल्ला प्रहरी कार्यालय तनहुँले प्रहरी कर्मचारीहरुको तनाव व्यवस्थापनकोलागि शनिबार कार्यालय परिसरमा ‘ह्याप्पी आवर’ कार्यक्रम सन्चालन गरेको छ ।
चौबिसै घण्टा शान्ति सुरक्षार्थ ड्युटिमा खटिने प्रहरी कर्मचारीहरुको तनाव व्यवस्थापन, आपसि सद्भाव एंवम भातृत्वको विकास साथै कर्मचारीहरुमा अन्तर्निहित प्रतिभाको प्रष्फुटन गरी कार्य वातावरणमा उत्प्रेरणा जगाउने उद्देश्यले सो कार्यक्रमको आयोजना गरिएको जिल्ला प्रहरी कार्यालय तनहुँले जनाएको छ ।
उक्त कार्यक्रममा प्रहरी उपरिक्षक अवदेश विष्ट क्षेत्री तथा प्रहरी अधिकृत तथा जवानहरुको उपस्थिती रहेको थियो । सो कार्यक्रममा प्रहरी कर्मचारीहरुले आ–आफ्ना कला, सिर्जना र क्षमताहरुलाई गित, नृत्य, गजल, मुक्तक, चुट्किला, चित्रकला एंवम वत्तृत्वकला आदिका माध्यमबाट प्रस्तुत गरेका थिए ।
