दमौली, जेठ ३०
व्यास नपा–४ स्थित गुरुङ च्यानडाँडामा मंगलबार दिउँसो बोेरा भित्र पोको पारेको अवस्थामा एक महिलाको शव भेटिएको छ ।
च्यानडाँडा स्थित सुवर्णमार्ग कच्ची सडकको कुनामा रहेको ढलको पानी जानकोलागि बिछ्याईएको ह्युम पाइपमा प्लास्टिकको बोरा भित्र राखेको अवस्थामा अन्दाजी २०–२२ बर्षिया महिलाको शव भेटिएको जिल्ला प्रहरी कार्यालय तनहुँले जनाएको छ ।
उनको नामथर र ठेगाना केही नखुलेको जिल्ला प्रहरी कार्यालयका डिएसपी मोहनबहादुर खाँणले जानकारी दिए । घटना सम्बन्धमा थप सुक्ष्म अनुसन्धान भईरहेको प्रहरीले जानकारी दिएको छ ।
