देवघाट, जेठ ३०
देवघाट गाउँपालिका–५ स्थित सेती भतेरी घाटमा टेन्डर लगाईएको स्थान भन्दा बहिर गएर ठेकेदार कम्पनीले उत्खनन गरेपछि विवाद भएको छ । देवघाट–५ को पवन कन्ट्रक्सनले गाउँपालिकासँग टेन्डर लिएको ठाउँ भन्दा अन्यत्रबाट गिट्टी, बालुवा उत्खनन गरेपछि मंगलबार बिहान विवाद निस्किएको छ ।
नदी तिरमा जम्मा गरेको बालुवा त्रिशुली नदीमा आएको बाढीले बगाएको भन्दै कन्ट्रक्सनले आफ्नो क्षेत्राधिकार भन्दा बाहिर गएर जेसिभि लगाएर बालुवा निकालेको थियो । यसबारेमा देवघाट गाउँपालिका र इलाका प्रहरी कार्यालयलाई जानकारी आएपछि प्रहरी र गाउँपालिकाको प्रहरी पुगेर रोक लगाएको थियो ।
इलाका प्रहरी कार्यालय देवघाटका प्रमुख बरिष्ठ सई कृष्णबहादुर बानियाँले क्षेत्राधिकार भन्दा बाहिर उत्खनन गरेको सुचना अएपछि आफु त्यसबारे बुझ्न गएको बताए । उनले सो क्रममा पवन कन्ट्रक्सनले क्षेत्राधिकार भन्दा बाहिर गएर बालुवा उत्खनन गरेको भेटिएको बताए ।
गाउँलेहरुले खनेर राखेको बालुवा नदिमा बाढि आएर बगाएको हुँदा त्यसले कारण टिप नपुगेर टेन्डर भन्दा बाहिरको बालुवा खनेर ट्याक्टरमा हालेको ठेकेदारले बताएको भन्दै बानियाँले उक्त कार्यलाई तत्काल रोक लगाईएको बताए ।
देवघाट गाउँपालिकाका अध्यक्ष तिलबहादुर थापाले पनि क्षेत्राधिकार भन्दा बाहिर बालुवा उत्खनन गरेको भेटिएको हुँदा त्यसलाई रोक लगाईएको बताए ।
