दमौली, असार ५
म्याग्दे गाँउपालिका वडा नम्बर ७ को आयोजनामा वडाका जेष्ठ नागरिकहरुलाई निशुल्क स्वास्थ्य परिक्षण गरियो । उक्त शिविरमा रक्त परिक्षण, मुटुको परिक्षण, निशुल्क औषधी वितरण लगायतको सेवा दिईएको थियो ।
सो अवसरमा जनरल प्राक्टिस एण्ड ईमजेन्सी मेडिसिन प्रमुख, ईमजेन्सी विभाग पोखरा स्वास्थ्य विज्ञान प्रतिष्ठानका विशेषज्ञ डा.रामहरि दाहाल र डा, कृष्ण गिरीले जेष्ठ नागरिकको स्वास्थ्य परिक्षण गरेका थिए ।
सो क्रममा ६० वर्ष भन्दा माथीका ९५ जनामहिला र ८२ जना गरि कुल १७७ जना नागरिकको स्वास्थ्य परिक्षण गरिएको वडा नम्बर ७ का वडाअध्यक्ष वसन्तकुमार श्रेष्ठले जानकारी दिए । सो कार्यक्रममा गाउँपालिकाका अध्यक्ष श्रीप्रसाद श्रेष्ठले रक्त परिक्षण गरेर कार्यक्रमको शुभारम्भ गरेका थिए भने शिविरमा पालिकाका उपाध्यक्ष वालकृष्ण घिमिरेको पनि उपस्थिती रहेको थियो ।
