विष्णु पाण्डे
देवघाट, साउन ४
देवघाटको त्रिशुली र कालीगन्डकीको संगमस्थान बेणी संगमबाट गलेश्वर मन्दिर हुँदै सीता गुफा, कल्पवास, चक्रबर्ती मन्दिर हुँदै कालिगन्डकी नदीको तटमा पैदल मार्ग बन्ने भएको छ ।
संघीय सरकारको ८० लाख र गाउँ पालिकाको ८० लाख गरि १ करोड ६० लाखको समपुरक बजेटमा करिब २ किलोमिटर लम्बाईको उक्त पैदलमार्ग बन्न लागेको हो । सो प्रस्तावित पैदलमार्गको विहिबार देवघाट गाउँपालिकाका अध्यक्ष तिलबहादुर थापाले अवलोकन गरे । उक्त अवलोकनमा गाउँपालिका उपाध्यक्ष भुवन सि गुरुङ, योजना शाखा प्रमुख रामप्रसाद सापकोटा, गाउँपालिकाका पुर्बाधार शाखा प्रमुख इन्जिनियर राम अधिकारी, सव इन्जिनियर परिक्रमा पन्त लगायत रहेका थिए ।
उक्त पैदलमार्गको निर्माणकार्यले देवघाटको धार्मिक पर्यटनमा टेवा पुग्ने गाउँपालिका अध्यक्षले बताए । उक्त मार्गको बिच बीचमा बिश्राम स्थल पनि बन्ने छ । जसले यात्रु तथा भक्तजनलाई विश्राम गर्न सहयोग पुग्ने छ । उक्त पैदलमार्गलाई समयमै सम्पन्न गर्न गाउँपालिकाको तर्फबाट हरसम्भव प्रयास गर्ने अध्यक्ष थापाले बताए ।
उक्त पैदलमार्गको बजेट सुनिश्चितुरा भईसकेको र अव चाँडै नै टेन्डर प्रक्रिया पुरा गरेर निर्माण कार्य सुरु गरिने अध्यक्ष थापाले बताए ।
