आवुँखैरेनी, साउन ११
आँबुखैरेनी गाउँपालिका अध्यक्ष शुक्र चुमानले बुधबार परेको आफ्नो जन्मदिनमा स्वर्गीय दाईको स्मृतिमा अक्षयकोष स्थापना गरेका छन् । अध्यक्ष चुमानले स्वर्गीय दाजु आकाश चुमानको नाममा आँबुखैरेनी क्याम्पसमा अक्षयकोष स्थापना गरेका हुन् ।
अध्यक्ष चुमानले क्याम्पसका अध्ययनरत विपन्न विद्यार्थीहरुलाई छात्रवृत्ति प्रदान गर्ने गरी अक्षयकोष स्थापना गर्न क्याम्पस प्रमुख बाबुराम देवकोटालाई १ लाख १ हजार १ सय १ रुपैयाँ रकमको चेक प्रदान गरे ।
चेक हस्तान्तरण गर्दै अध्यक्ष चुमानले जन्मदिनमा फजुल खर्च गर्नुभन्दा क्याम्पसमा अध्ययनरत विपन्न विद्यार्थीहरुको अध्ययनमा सहयोग पुगोस् भन्ने हेतुले आफ्नो स्वर्गीय दाजुको नाममा अक्षयकोष स्थापना गरिदिएको अध्यक्ष चुमानले बताए ।
अध्यक्ष चुमानका दाजु आकाश चुमानको सशस्त्र द्वन्द्वको क्रममा मृत्यु भएको थियो ।
