दमौली, साउन १२
कृषकहरुलाई कृर्षि फार्महरुमा सहुलियत ऋण पाईने भनी बिभिन्न प्रलोभन देखाइ ठगी गर्ने जिल्ला बर्दिया बासगढी नगरपालिका–५ झोडिया स्थायी घर भई हाल व्यास नगरपालिका–१ अम्रेनी बस्ने ५० बर्षिय महेश गिरी भन्ने मेघनाद गिरीलाई प्रहरीले पक्राउ गरेको छ ।
गिरीले हाम्रो हात नेपाल प्रालिमा शेयर लगानी गर्ने कृषकहरुलाई कृर्षि फार्महरुमा सहुलियत ऋण पाईने भनी बिभिन्न प्रलोभन देखाई २०७८ साल पुस महिनामा व्यास नगरपालिका–१० अँधेरीभञ्ज्याङका महिलाहरुबाट जम्मा ७ लाख ५० हजार रुपैया ठगी गरी हालसम्म फरार रहेका थिए ।
उनलाई विहिबार पक्राउ गरी ठगी सम्बन्धी मुद्दामा शुक्रबार तनहुँ जिल्ला अदालतबाट सात दिनको म्याद थप अनुमती लिई थप अनुसन्धान भइरहेको जिल्ला प्रहरी कार्यालय तनहुँका डिएसपी मोहनबहादर खाँणले जानकारी दिए ।
