देवघाट, साउन १६
फुटवल क्लव (एफ सी) देवघाटको आयोजनामा यही साउन २५ गतेदेखी देवघाटमा प्रथम देवघाट कप सेभेन ए साईड फुटवल प्रतियोगिता हुने भएको छ ।
देवघाट गाउँपालिका–५ स्थित देवघाट खेलकुँद मैदानमा हुने उक्त प्रतियोगिताको बिजयी टिमलाई नगद ५० हजार र सिल्ड, मेडल र प्रमाणपत्र तथा उपबिजेता टिमलाई नगद ३० हजार तथा सिल्ड, मेडल र प्रमाणपत्र प्रदान गरिने क्लवका अध्यक्ष प्रजन गाहा मगरले बताए ।
प्रतियोगितामा उत्कृष्ट खेलाडी, गोलकिपर तथा हाई स्कोररलाई समेत पुरस्कारको व्यवस्था गरिएको छ । प्रतियोगितामा सहभागि हुने टिमलाई टिम दर्ता रकम ४ हजार रुपैयाँ तोकिएको आयोजकले जनाएको छ । टिम दर्ता साउन २४ गते भित्र गरिसक्नु पर्नेछ । प्रतियोगिता साउन ३१ गतेसम्म चल्नेछ ।
