दमौली, भदौ १६
नेपाल राष्ट्रिय भुतपुर्व सैनिक तथा प्रहरी संगठन तनहुँको अध्यक्षमा क्या. विष्णुविर राना चयन भएका छन् । संगठनको शनिबार दमौलीमा सम्पन्न तेस्रो जिल्ला अधिवेशनले रानाको नेतृत्वमा २१ सदस्यीय जिल्ला कमिटी सर्वसम्मत चयन गरेको छ ।
कमिटीको उपाध्यक्षहरुमा क्या. बिष्णु वीर राना, ह . मे. शम्सेर ब खड्का, सु. मन बहादुर राना, सचिवमा सु. रामचन्द्र अधिकारी तथा उपसचिवद्वयमा जम . नारायण बहादुर कार्की र ह. धन ब. थापा निर्वाचित भएका छन् ।
सो अधिवेशनको नेकपा एमालेका केन्द्रीय सल्लाहकार परिषदका सदस्य एकबहादुर रानाले उदघाटन गरेका थिए । सो कार्यक्रममा नेकपा एमाले गन्डकी प्रदेश कमिटीका सदस्य श्रीराम कार्की, जिल्ला कमिटीका उपाध्यक्ष हरिराज कडेंल लगायतले मन्तव्य राखेका थिए ।
