दमौली, भदौ ३०
राप्रपा तनहुँका कोषाध्यक्ष ५३ बर्षिय बिन्दुराज अधिकारीको निधन भएको छ । व्यास नपा-११ घर भई हाल व्यास- १ निवासी अधिकारीको शनिबार बिहान सवा ५ बजे मृत्यु भएको राप्रपा तनहुँका अध्यक्ष बिनोद घर्तीले जानकारी दिए ।
पिसाव सम्बन्धि संक्रमणबाट पीडित भएका अधिकारीको उपचारको क्रममा जिएमसी अस्पताल पोखरामा मृत्यु भएको अध्यक्ष घर्तीले जानकारी दिए ।
अधिकारीको निधनले राप्रपा तनहुँ स्तब्ध भएको भन्दै घर्तीले राप्रपाले एक कुशल ईमान्दार, निष्ठावान, राष्ट्र र राष्ट्रियता प्रति सँधै दृढ रहने राष्ट्रबादी व्यक्ति गुमाएकाे बताए ।
अध्यक्ष घर्तीले यस दुःखद घडीमा दिवंगत आत्माको चिरशान्तिको कामना गर्दै शोकाकुल परिवारजनमा धैर्यधारण गर्ने शक्ति मिलोस भन्ने कामना गरेका छन् ।
