दमौली, असोज १३
नेकपा एमाले गन्डकी प्रदेशको यही असोज १५ र १६ गते पोखरामा हुने प्रथम अधिवेशनमा प्रदेश कमिटिको सचिवमा तनहुँका विष्णुभक्त सिग्देलले उम्मेदबारी घोषणा गरेका छन् । हाल प्रदेश कमिटिका सचिवालय सदस्य रहेका सिग्देलले अधिवेशनमा सचिव पदमा उम्मेदबारी दिने बताए ।
सिग्देल नेकपा एमाले तनहुँका पुर्व जिल्ला कार्यवहाक सचिव समेत हुन् । प्रदेश कमिटिको सदस्य मनोनित पछि सचिवालय सदस्य बनेका उनले आगामी दिनमा प्रदेश कमिटिलाई प्रभावकारी रुपमा सन्चालन गर्न र प्रविधिमैत्री बनाउन आफुले सचिव पदमा उम्मेदबारी घोषणा गरेको बताए ।
विद्यार्थी राजनीतिबाट पार्टी राजनीतिमा आएका सिग्देलले सचिवमा उम्मेदबारी घोषणा गरेपछि सचिवका अन्य आकांक्षीहरु समेत हच्किएका छन् । उनले पार्टीमा आफ्नो भुमिकाको नेताहरुले मुल्यांकन गर्ने विश्वास व्यक्त गरे ।
यस अघि तनहुँका नेता केदार सिग्देलले प्रदेश कमिटिको अध्यक्षमा उम्मेदबारी घोषणा गरेका छन् ।
