देवघाट, असोज २८
किसान बचत तथा ऋण सहकारी संस्था लि.को सप्तगन्डकी सेवा केन्द्र देवघाटमा शुभारम्भ गरिएको छ । वडा नम्बर ५ को मणिमुकुन्देश्वर चोकमा स्थापना गरिएको उक्त सेवा केन्द्रको आइतबार देवघाट गाउँपालिका वडा नम्बर ५ का अध्यक्ष पुर्ण बहादुर कुँवरले उद्घाटन गरे ।
सहकारी संस्थाका अध्यक्ष ऋषिराम सुवेदीको अध्यक्षतामा सम्पन्न सो कार्यक्रमको सन्चालन किसान साकोसका सचिव सरस्वती कडेलले गरेकी थिइन् । सो कार्यक्रममा वडा नम्बर–५ सदस्य कमला गुरूङ, बुद्धि बहादुर पाण्डे तथा पूर्व वडा अध्यक्ष याल बहादुर गुरूङ, उद्योग वाणिज्य संघ देवघाट अध्यक्ष रोशन श्रेष्ठ तथा सहकारीका शेयर सदस्यहरुको सहभागीता रहेको थियो ।
