काठमाडौं, कार्तिक २०
नेकपा एमाले सचिव तथा पूर्व मन्त्री पद्मा अर्यालको नेतृत्वमा एमालेका सांसद तथा नेताहरुको टोलीले सोमबार भुकम्प प्रभावित क्षेत्र जाजरकोटको भेरी नगरपालिका–३ को माथिल्लो थाप्लेको स्थलगत निरिक्षण गरेका छन् ।
पुर्व भुमिसुधारमन्त्री अर्यालको नेतृत्वमा एमाले केन्द्रीय सदस्य तथा राष्ट्रिय सभा सदस्य भगवती न्यौपाने, राष्ट्रिय सभा सदस्य भैरवसुन्दर श्रेष्ठ लगाएतले भुकम्प प्रभावित क्षेत्रको स्थलगत निरिक्षण गरेका थिए ।
सो क्रममा भेरी नगरपालिका–३ को माथिल्लो थाप्लेमा भुकम्पले भत्किएका संरचनाहरुको निरिक्षण गरि भुकम्प प्रभावितहरुसँग भेटघाट गरेका थिए । साथै सो क्रममा राहत वितरणको अवस्थाको बारेमा पनि जानकारी लिएका थिए ।
