देवघाट, कार्तिक २०
देवघाट गाउँपालिका–५ स्थित देवघाटधाममा रहेको देवघाट समाजकल्याण केन्द्र बृद्धाश्रममा रहेका ७० जना वृद्ध वृद्धाहरुलाई एनआरएनए बेल्जियमले सोमबार न्यान्नो कपडा वितरण गरेको छ । एनआरएनए बेल्जियमका प्रतिनिधिले सोमबार आश्रममा गई बृद्धबृद्धालाई न्यानो कपडा वितरण गरेका हुन् ।
सो कार्यक्रममा देवघाट गाउँपालिकाका अध्यक्ष तिलबहादुर थापाले विभिन्न संघ संस्थाले बृद्धबृद्धालाई न्यानो कपडा र खाद्यान्नहरु वितरण गरेर उदाहरणीय कार्य गर्दै आएको बताए ।
एनआरएन बेल्जियमका अध्यक्ष सीता सापकोटाले बृद्वा बुवाआमालाई लत्ताकपडा वितरण गर्दै बृद्धबृद्धालाई सहयोग गर्नु सबैको कतव्र्य भएको बताइन् । सो अवसरमा विभिन्न व्यक्तित्वहरुको सहभागिता रहेको थियो ।
