गोमा न्यौपाने, देवघाट, कार्तिक २२
देवघाट गाउँपालिका–५ पिपलटार रहेको सूर्योदय कृषि सहकारीको तेश्रो बार्षिक साधारणसभा बुधबार सम्पन्न भयो ।
सो कार्यक्रममा देवघाट गाउँपालिका अध्यक्ष तिलबहादुर थापाले सहकारी संघ संस्थाले आफ्ना शेयर सदस्यहरुको हितमा काम गर्नु पर्ने बताए । अध्यक्ष थापाले नियमअनुसार सन्चालन हुने सहकारीहरुलाई गाउँपालिकाले सहयोग गर्ने बताए ।
सहकारी संस्थाका अध्यक्ष शेरबहादुर थापाको अध्यक्षतामा सम्पन्नसामुदायिक वन महासघ गण्डकी प्रदेश सचिव तथा सहकारी सस्थाका लेखा सुपरिवेक्षण संयोजक केशवचन्द्र न्यौपाने, वडा नम्बर ५ की वडा सदस्य सरस्वती परियार, सहकारी संस्थाका संस्थापक अध्यक्ष माधव न्यौपाने लगायतले शुभकामना मन्तव्य राखेका थिए ।
२०७७ सालमा स्थापित सो सहकारी संस्थाले शेयर सदस्यहरुको आर्थिक उपार्जनको लागि कृषि तथा पशुपालनमा सहयोग गर्दै आएको छ ।
